WhatsApp ka shtuar një veçori të re në platformën e saj, e cila mundëson fshirjen automatike të audio mesazheve pasi ato janë dëgjuar.
Kjo është një shtesë në veçorinë View Once, e cila tashmë ishte pjesë e mesazheve dhe fotove standard në WhatsApp. Me këtë veçori të re, përdoruesit mund të dërgojnë audio mesazhe që do të fshihen automatikisht pasi të jenë dëgjuar nga marrësi.
Ky veprim mund të përdoret për të siguruar një gradë më të lartë të privatësisë, veçanërisht kur përmbajtja e audio mesazheve është sensitive. WhatsApp gjithashtu rekomandon që përdoruesit të dërgojnë audio mesazhe vetëm personave në të cilët besojnë, për të parandaluar aksesin e paligjshëm të informacioneve të ndjeshme.
Veçoria View Once për audio mesazhe pritet të jetë e disponueshme për përdoruesit brenda ditëve të ardhshme.
