Nëse po kërkon një alternativë shumë të shëndetshme për vaktin tuaj, harroni ushqimet e rënda dhe përgatisni një kombinim shijesh dhe shëndeti me panxhar të kuq dhe dardha!
Panxhari, me pasurinë e tij në minerale, është një ndihmë e shkëlqyeshme kundër anemisë dhe një forcues i sistemit të enëve të gjakut. Dardhat, së bashku me minerale dhe vitamina, ofrojnë një dozë të lartë të fibrave bimore, që ndihmojnë në përmirësimin e tretjes.
Jo vetëm kaq, por dardha përmban një sasi të madhe pektine, e cila jo vetëm ul nivelin e kolesterolit, por gjithashtu stabilizon glukozën në gjak, sipas informacioneve nga Telegrafi.
Këtu është receta e thjeshtë dhe e shëndetshme:
Përbërësit:
– 500 g panxhar të kuq,
– 50 ml uthull balsamike,
– gjysmë luge të vogël piper të bardhë,
– 150 g dardha,
– 50 g xhelatinë boronice,
– një lugë qull mielli,
– një lugë sheqer,
– pak kripë.
Përgatitja:
Lani dhe priteni panxharin në feta të holla. Në një tenxhere, kombinoni uthullën, 1 dl ujë, kripën dhe piperin, shtoni panxharin dhe ziejini në zjarr të butë.
Lani dhe priteni dardhat, hiqni farat, dhe priteni në feta. Kur panxhari të zbutet pjesërisht, shtoni dardhat dhe vazhdoni zjarrin për dhjetë minuta.
Para se të shërbeni, tundni qullin e miellit me 2 lugë ujë dhe xhelatinën e boronicës, shtojani panxharit dhe përzieni derisa të bëhet një masë e dendur.
Sipas dëshirës, shtoni edhe pak uthull dhe piper të bardhë para se ta shërbeni. Tani, gëzojeni një vakt shumë të shijshëm dhe të shëndetshëm!
